Assyrian / ܐܵܬܘܿܪܵܝܵܐ

ܐܝܼܡܲܢ ܕܗܵܘܝܵܐ ܗܲܡܙܲܡܬܵܐ ܒܘܼܬ ܡܩܲܒܠܵܢܘܼܬܵܐ ܓܸܢܣܵܢܵܝܬܵܐ، ܟܡܝܼܠܹ̈ܐ ܒܫܸܢܹ̈ܐ ܟܹܐ ܓܵܢܝܼ ܠܐܲܟܲܕܬܵܐ ܕܩܸܢܛܹ̈ܐ. ܐܲܝܵܐ ܐܲܟܲܕܬܵܐ ܝܼܠܵܗܿ ܟܝܵܢܵܝܬܵܐ ܣܲܒܵܒ ܐܲܚܢܲܢ ܒܵܥܝܲܚ ܢܵܛܪܲܚ ܠܒ̈ܢܘܿܢܲܢ ܘܠܒ̈ܢܵܬܲܢ ܘܐܵܗܵܐ ܝܼܠܵܗܿ ܗܿܝ ܐܘܼܪܚܵܐ ܕܪܵܒܵܐ ܡܸܢܲܢ ܦܝܼܫܠܲܢ ܓܘܼܪܘܸܣܹܐ ܒܝܼܘܿܗܿ. ܐܝܼܢܵܐ ܕܪܵܫܬܵܐ ܕܡܩܲܒܠܵܢܘܼܬܵܐ ܠܵܐ ܓܵܪܲܓ ܗܲܡܵܫܵܐ ܗܵܘܝܵܐ ܒܘܼܬ ܐܵܢܝܼ ܐܲܝܟܲܢܘܵܬܹ̈ܐ ܒܘܼܫ ܚܸܪܒܵܐ. ܡܵܨܝܼܬܘܿܢ ܫܲܪܝܼܬܘܿܢ ܒܡܲܠܲܦܬܵܐ ܕܓܵܢܵܘܟܼܘܿܢ ܘܥܒܼܵܪܬܵܐ ܓܵܘ ܣܘܼܘܵܕܹ̈ܐ ܒܘܼܬ ܡܩܲܒܠܵܢܘܼܬܵܐ ܓܸܢܣܵܢܵܝܬܵܐ ܥܲܡ ܟܡܝܼܠܹ̈ܐ ܒܫܸܢܹ̈ܐ ܐ݇ܚܹܪ݇ܢܹ̈ܐ ܕܐܝܼܬܠܵܘܟܼܘܿܢ ܗܲܝܡܵܢܘܼܬܵܐ ܒܝܼܲܝܗܝ ܐܲܝܟܼ ܒܲܝܬܘܼܬܵܐ ܝܲܢ ܚܲܒܼܪܵܘܵܬܹ̈ܐ.

ܡܼܢ ܩܵܕ݇ܡ ܕܡܵܨܲܚ ܗܲܡܙܸܡܲܚ ܒܘܼܬ ܡܩܲܒܠܵܢܘܼܬܵܐ، ܐܲܚܢܲܢ ܒܵܥܝܲܚ ܝܵܕܥܲܚ ܡܘܿܕܝܼ ܝܠܵܗܿ ܡܩܲܒܠܵܢܘܼܬܵܐ ܓܸܢܣܵܢܵܝܬܵܐ.

ܡܩܲܒܠܵܢܘܼܬܵܐ ܓܸܢܣܵܢܵܝܬܵܐ ܐܝܼܬܠܵܗܿ ܐܲܣܘܼܪܵܐ ܒܥܵܒܼܘܿܕܘܵܬܹ̈ܐ ܓܸܢܣܵܢܵܝܹ̈ܐ، ܐܲܝܟܼ:

  • ܫܲܘܬܲܦܬܵܐ ܓܸܢܣܵܢܵܝܬܵܐ

  • ܕܩܵܪܬܵܐ ܒܚܲܕ ܦܲܪܨܘܿܦܵܐ ܒܚܕܵܐ ܐܘܼܪܚܵܐ ܓܸܢܣܵܢܵܝܬܵܐ

  • ܫܲܪܲܟܬܵܐ ܕܨܘܼܪܝܵܬܹ̈ܐ ܓܸܢܣܵܢܵܝܹ̈ܐ ܥܲܡܚܕܵܕܹܐ

  • ܥܵܒܼܘܿܕܘܵܬܹ̈ܐ ܓܸܢܣܵܢܵܝܹ̈ܐ ܥܲܠ ܐܸܢܬܸܪܢܸܬ.

ܡܩܲܒܠܵܢܘܼܬܵܐ ܓܸܢܣܵܢܵܝܬܵܐ ܝܼܠܵܗܿ ܚܲܕ ܣܘܼܙܓܵܪܵܐ ܚܹܐܪܵܐ، ܨܸܒܼܝܵܢܵܝܵܐ، ܘܨܲܠܝܼܠܵܐ ܒܹܝܠ ܐ݇ܢܵܫܹ̈ܐ ܕܫܲܘܬܸܦܝܼ ܓܵܘ ܚܲܕ ܥܒܼܵܕܵܐ ܓܸܢܣܵܢܵܝܵܐ. ܐܵܢܲܢܩܵܝܬܵܐ ܝܠܵܗܿ ܩܵܐ ܟܡܝܼܠܹ̈ܐ ܒܫܸܢܹ̈ܐ ܕܗܵܘܹܐܠܗܘܿܢ ܣܘܼܘܵܕܹ̈ܐ ܥܲܡ ܒܢܘܿܢܲܝ̈ܗܝ ܘܒܢܵܬܲܝ̈ܗܝ ܒܥܘܼܡܪܵܐ ܠܚܝܼܡܵܐ ܒܘܼܬ ܚܹܐܪܘܼܬܵܐ ܕܦܲܓܼܪܵܐ، ܫܲܝܢܘܼܬܵܐ، ܘܫܡܸܥܬܵܐ ܘܩܒܲܠܬܵܐ ܕ ܒܚܲܕ ܥܘܼܡܪܵܐ ܒܟܼܝܼܪܵܐ ܩܵܐ ܗܲܝܲܪܬܲܝܗܝ ܕܦܵܪܡܝܼ ܡܘܿܕܝܼ ܝܠܵܗܿ ܡܩܲܒܠܵܢܘܼܬܵܐ ܓܸܢܣܵܢܵܝܬܵܐ ܘܩܵܐ ܡܘܿܕܝܼ ܝܠܵܗܿ ܐܵܢܲܢܩܵܝܬܵܐ.

ܦܲܠܬܸܫܘܼܢ ܓܵܘ ܡܲܒܘܼܥܹ̈ܐ ܦܪܝܼܫܹ̈ܐ ܡܬܘܼܪܓܸܡܹܐ ܒܠܸܫܵܢܵܘܟܼܘܿܢ؛ ܡܲܨܠܝܼܡܘܼܢ ܡܼܢ ܐܸܢܬܸܪܢܸܬ ܒܼܝܕܝܘܿܝܹ̈ܐ، ܦܵܪܘܿܫܝܵܬܹ̈ܐ ܕܡܸܨܥܹ̈ܐ ܕܝܘܼܕܵܥܵܐ ܫܲܘܬܵܦܵܝܵܐ ܘܡܗܲܕܝܵܢܘܼܝܵܬܹ̈ܐ ܕܣܘܼܘܵܕܵܐ ܠܝܠܵܦܵܐ ܕܵܐܟܼܝܼ ܠܫܲܪܘܼܝܹܐ ܣܘܼܘܵܕܹ̈ܐ ܒܘܼܬ ܡܩܲܒܠܵܢܘܼܬܵܐ ܓܸܢܣܵܢܵܝܬܵܐ ܥܲܡ ܥܠܲܝܡܹ̈ܐ ܒܚܲܕ ܥܘܼܡܪܵܐ ܠܚܝܼܡܵܐ. ܦܬܘܿܚܘܼܢ ܣܘܼܘܵܕܵܐ ܒܘܼܬ ܓܸܢܣܵܐ، ܩܲܒܲܠܬܵܐ ܕܡܲܘܥܕܵܐ ܘܐܲܣܘܼܪܹ̈ܐ (ܥܹܠܵܩܹ̈ܐ) ܡܵܨܝܼ ܣܵܢܕܝܼ ܠܛܵܒܼܘܼܬܵܐ ܕܚܲܝܲܝܗܝ ܘܡܥܲܪܩܸܠܝܼ ܠܥܵܒܼܘܿܕܘܼܬܵܐ ܓܸܢܣܵܢܵܝܬܵܐ ܗܲܠ ܕܐܵܢܝܼ ܪܵܓܼܫܝܼ ܝܼܢܵܐ ܗܵܙܹܪ.

Selecting a filter below will automatically refresh this page
Reset filters

  • Assyrian Conversation Guide / ܡܗܲܕܝܵܢܵܐ ܕܣܘܼܘܵܕܵܐ ܐܵܬܘܿܪܵܝܵܐ

    Conversation guide

    The following Conversation Guide is available in Assyrian for adults to gain a clearer understanding of consent. Once you’re on the same page as other adults, you’ll be ready to talk to young people. 

    ܐܵܗܵܐ ܡܗܲܕܝܵܢܵܐ ܕܣܘܼܘܵܕܵܐ ܝܼܠܹܗ ܡܸܬܩܲܢܝܵܢܵܐ ܒܠܸܫܵܢܵܐ ܐܵܬܘܿܪܵܝܵܐ ܩܵܐ ܟܡܝܼܠܹ̈ܐ ܒܫܸܢܹ̈ܐ ܩܵܐ ܕܩܵܢܝܼ ܦܲܪܡܵܝܬܵܐ ܒܘܼܫ ܨܦܝܼܬܵܐ ܒܘܼܬ ܡܩܲܒܠܵܢܘܼܬܵܐ. ܐܝܼܡܲܢ ܕܐܲܚܬܘܿܢ ܗܵܘܝܼܬܘܿܢ ܦܘܼܪܡܸܝܹܐ ܠܡܩܲܒܠܵܢܘܼܬܵܐ ܐܲܝܟܼ ܟܡܝܼܠܹ̈ܐ ܒܫܸܢܹ̈ܐ ܐ݇ܚܹܪ݇ܢܹ̈ܐ، ܒܸܕ ܗܵܘܝܼܬܘܿܢ ܗܵܙܹܪ ܕܗܲܡܙܸܡܝܼܬܘܿܢ ܥܲܡ ܥܠܲܝܡܹ̈ܐ.

    PDF Assyrian Conversation Guide / ܡܗܲܕܝܵܢܵܐ ܕܣܘܼܘܵܕܵܐ ܐܵܬܘܿܪܵܝܵܐ 1 MB
    DOC Assyrian Conversation Guide / ܡܗܲܕܝܵܢܵܐ ܕܣܘܼܘܵܕܵܐ ܐܵܬܘܿܪܵܝܵܐ 884 KB